ભારત-શ્રીલંકા વચ્ચેની પહેલી વન-ડે ટાઈ કેમ કરાઈ ? અસલંકાએ બે બોલમાં બે વિકેટ લઈને ઈન્ડિયાને 230 રનમાં ઓલઆઉટ કર્યું

India Vs. ShriLanka ODI Match : ભારત અને શ્રીલંકા સીરીઝની પ્રથમ વન-ડે મેચ ટાઈ થઈ ગઈ છે. ભારતને 15 બોલમાં 1 રનની જરૂર હતી, અહીં ટીમની 2 વિકેટ બાકી હતી. શ્રીલંકાના કેપ્ટન ચરિથ અસલંકાએ 48મી ઓવરમાં 2 બોલમાં 2 વિકેટ ઝડપીને ભારતને 230 રનમાં ઓલઆઉટ કરી દીધું હતું. શ્રીલંકાએ પણ 230 રન બનાવ્યા હતા. અસલંકાએ 48મી ઓવરના ચોથા બોલ પર શિવમ દુબેને LBW અને પાંચમા બોલ પર અર્શદીપ સિંહને LBW આઉટ કર્યો હતો. ભારતની છેલ્લી વિકેટ અર્શદીપની હતી. ભારત તરફથી રોહિત શર્માએ 58 રન બનાવ્યા હતા. શ્રીલંકા તરફથી વાનિન્દુ હસરાંગા અને અસલંકાએ 3-3 વિકેટ લીધી હતી. દુનિથ વેલાલાગેને 2 સફળતા મળી.

► સુપર ઓવર કેમ ન થઈ?

ICC પ્લેઇંગ કન્ડીશન મુજબ, જો ODI મેચ ટાઈ થાય તો સુપર ઓવરનો ઉપયોગ કરવામાં આવે છે. પરંતુ આ ત્યારે જ થશે જ્યારે મેચ ટુર્નામેન્ટમાં હશે, દ્વિપક્ષીય શ્રેણીની ટાઈ મેચમાં સુપર ઓવરનો ઉપયોગ કરવામાં આવતો નથી. ભારત અને શ્રીલંકા હાલમાં 3 વન-ડે શ્રેણી પણ રમી રહ્યા છે. આ કારણોસર, બંને વચ્ચે પ્રથમ ODI ટાઈ હોવા છતાં, સુપર ઓવરનો ઉપયોગ કરવામાં આવ્યો ન હતો.

► અસલંકાએ 48મી ઓવરમાં 2 વિકેટ લઈને મેચ ટાઈ કરી

ભારતને 18 બોલમાં 5 રનની જરૂર હતી. શિવમ દુબે અને મોહમ્મદ સિરાજ ક્રિઝ પર હતા. બે ડોટ બોલ રમ્યા બાદ દુબેએ ત્રીજા પર ચોગ્ગો ફટકાર્યો. ટીમ ઈન્ડિયાને માત્ર એક રનની જરૂર હતી, અહીં ચરિથ અસલંકાએ દુબેને LBW આઉટ કર્યો હતો. ભારતને 14 બોલમાં એક રનની જરૂર હતી. અહીં અસલંકાએ અર્શદીપ સિંહને પણ LBW આઉટ કર્યો અને ભારત ઓલઆઉટ થઈ ગયું.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Indian vs Sri Lanka ODI series - SuryaKumar Yadav , Rohit Sharma ODIs Score - ભારતની T20 ટીમ - ભારતની ODI ટીમ -  શ્રીલંકા વી. ટીમ ઈન્ડીયા , ભારત-શ્રીલંકા પહેલી વન-ડે ટાઈ:અસલંકાએ બે બોલમાં બે વિકેટ લઈને બાજી પલટી, ઈન્ડિયા 230 રનમાં ઓલઆઉટ; હસરંગાની 3 વિકેટ